الاستشارات المرسلة

اعاني من صعوبه بلع الطعام والماء احس منطقه البلعوم ضيقه حيل ارفع راسي يله اكدر

    دكتور : د.حيدر صيوان المالكي 2020-03-26 18:21:24
  • شكراً لاستشارتكم
    كم الفترة؟ وهل هناك اعراض اخرئ مثل فقدان الوزن؟ فقر الدم واعراضه؟
    انتي بحاجه لاجراء الفحوصات بعد تستقرار الاوضاع
    بالوقت الخالي هلي طعامك لين واكثري من شرب الماء.
    تمنياتي لك يالشفاء.

السلام عليكم.دكتور ممكن استشارة لو سمحت.عدنا حامل تعاني من انزلاق غضروفي بالظهر وتباعد بعظم الحوض مما اثر على مشيتهه.قبل الحمل راجعت طبيب وتحشن وضعهه ومشيهه.حاليا حامل ورجعت تكزل وظهرهه ياذيهه وما تكدر تاخذ مسكن وتعرف الوضع حاليا .اكو دواء او اي شي تكدر تاخذه لحين ما سكعدون الاطباء وما يأثر على الحمل ولكم جزيل الشكر

    دكتور : د.فارس عدنان سعيد 2020-03-26 14:36:12
  • وعليكم السلام
    في اي شهر الحمل؟ هل توجد امراض اخرى سكر ضغط قرحه ربو ؟.

انواع جلاتين للاطفال يقوي المناعة لدى طفلي؟ وانواع فيتامينات لطفلي عمره سنتين و٩ اشهر

    دكتور : د.مروج عبد العالي 2020-03-26 19:08:07
  • المكملات الغذاءيه تستغنين عنها بالغذاء الصحي والاكثار من الفواكه والخضار
    واذا كان هناك حاجه للمكملات فشراب الملتي فيتامين يفي بالغرض او الجيلاتين الملتيفيتامين ايضاً.

سلام عليكم عندي كسر بلحوض قبل سنه ونص تقريبا بلايمن كسرين وخلع وكسرين بلايسر وحد جبير وتشوه بلعظم حاليا امشي بس على طول عندي الم وتعب وخصوصا منطقه ظهر او من اكعد منطقه الورك يصير عندي الم بلرحم ورجلي اليسره مورمه من منطقه الفخذ صار فتره وركبتي الم بيها وخسفات

    دكتور : د.مفيد الوائلي 2020-03-26 16:38:57
  • وعليكم السلام
    من الأفضل مراجعة إحدى المستشفيات.

السلام عليكم
أني المواطن حسن علي من البصرة عمري ٣٣ سنة أعاني من آلام وتعب غير أعتيادي في أقدامي منذ فترة طويلة جداً زرت طبيب مفاصل قبل فترة وأعطاني علاج ولم ينفع أخذت تحليل شامل + D3 ظهر نقص قليل في الD3 وأخذت فيتامين ولم ينفع وقلت أحتمال تعب متراكم ولكن بعد فترة أسبوعان من الوجود في البيت ذهبت للعمل يوم واحد وعاد التعب وأنا الان في حيرة أرجو تقديم المساعدة والنصيحة وشكراً جزيلاً

    دكتور : د.زيد وليد علي 2020-03-27 16:51:09
  • عليكم السلام
    تحتاح تفحص الغده الدرقيه وبقيه الهرمونات وفحص لصورة الدم و اليوريا حتى نستبعد الاسباب الرئيسيه للتعب المزمن.

السلام عليكم عمر المريض 37 سنه يعاني من الم شديد في الوزتين التهابات قويه

    دكتور : د.حيدر صيوان المالكي 2020-03-26 18:29:38
  • شكرا لاستشارتكم
    العلاج هو
    اوكمنتين حب ٦٢٥ملغم ثلاث مرات بعد الطعام (المريض بدون حساسيه للبنسيلين)
    فلاجيل حب ٥٠٠ملغم ثلاث مرات بعد الطعام.
    اولبس حب مص
    دولوبراون حب ١٠٠٠ملغ *٢
    غرغرة فمويه لسترين بعد تفريش الاسنان.
    تمنياتنا بالشفاء.

حبوب ظهر

    دكتور : د. ثائر علي حسين 2020-03-26 19:39:47
  • Ketonaz shmpoo
    شامبو غسل الجسم التركيز على الضهر تبفى الرغوه 5 دقئق ثم يشطف بين يوم ويوم
    Fluconazol cup كبسوله كل اسبوع لمده اربع اسابيع
    .طبعا مايصير اذا انت حامل
    اي استفسار 0773625990 واتس.

السلام عليكم
ادام الله وجودكم وحفظكم من كل مكروه.
صار تقريبا يوميا لدي ألم في أحد خصيتي واتوقعه في الخصية اليمنى.

    دكتور : د. محمد فوزي البدران 2020-03-27 11:35:22
  • اذا كان الالم بسيط ولفترة زمنية قصيرة لعدة ايام ولا يوجد تورم في الخصية ولا يوجد حرقه في الادرار فلا يحتاج الى علاج
    اما اذا كان الالم متوسط او شديد تحتاج الى اجراء التحاليل التاليه قبل استخدام العلاج حسب نتيجة التحاليل:
    GUE
    scrotal doppler ultrasound
    s.creatinine.

السلام عليكم دكتور عندي فقدان شهية لدرجة ما اكل واحس بالجوع بس مالي نفس بالاكل صارلي تقريبآ 18 يوم حللت دم ورحت للطبيب كال عندك جرثومة بالمعدة انطاني دوة خلت الدوة واني نفس الحالة واذا اكلت احس الاكل ثقيل بالعمدة

    دكتور : د.خلدون علي الموسوي 2020-03-26 15:32:07
  • توقف عن التدخين اذا كنت مدخنا
    اعد تحليل جرثومة المعدة بالخروج حصرا
    يمكنك مراجعتي بالاستشارية الاحد القادم م.الفيحاء العام
    وحاليا اخذ حبوب nexium tab 20
    قبل الاكل صباحا وليلا.

هنالك كثرة تبول لدي وحللت تحليل درار يوجد رمل فما هو العلاج رجاءا

    دكتور : د. صفاء كاطع مزيان 2020-03-26 16:52:42
  • الرجاء العمر والجنس والمده وهل معاه حرقة ادرار ارجو الرد ع كافة الاسأله.

سلام عليكم ورحمة الله وبركاته..
زوجتي عدها سكر وهاي الايام ماجاي ينزل عن 300فما فوق يصل الى 380 رغم جاي تستعمل علاج Glucovance500mg وحاليا هيه عدها نزيف بسبب تليف بالرحم فما سبب عدم نزول السكر . هذا ولكم جزيل الشكر والتقدير حفظ الله بلادنا العراق وسائر بلاد المسلمين وكفانا واياكم شر هذا الوباء بحق محمد وال محمد .

    دكتور : د.ماجد حميد 2020-03-26 16:58:14
  • الافضل ان تاخذ انسولين متعادل ٢٥ يونت صباحا ومساءا قبل الاكل بنصف ساعة. هواي اسباب ليعود السكر أهمها طول المدة منذ التشخيص.

السلام عليكم
كيف اتخلص من الحبوب التي تطلع في الوجه علما بشرتي دهنيه واستخدم غسول وجه فقط دون استخدام الصابون

    دكتور : د. ثائر علي حسين 2020-03-26 19:44:58
  • اولا تاخذ علاج بعدها وقايه بالغسول
    العلاج
    Doxocycline cup.
    كبسوله باليوم لمده شهر
    Acne off soap صابونه غسل الوجه صباحا وساء
    Dalacine solution
    محلول يضع عل الحب مرتين بعد الغسل بالصابونه
    لمد سهر راح اشوف الحب يزول ثم استخدم الغسول حتى لايرجع.

السلام عليكم
ظهري و بعض مناطق الاكتاف تضهر فيها بثور او حب بلون احمر و عادتا منتفخ او قليل جدا الانتفاخ لكن ضهور الحب بكثر ماهو السبب و العلاج فضلاً

    دكتور : د. ثائر علي حسين 2020-03-26 20:25:29
  • سجاد ممكن ترسلي صوره
    07736325990 واتس.

السلام عليكم
يوجد داخل الاذان ماء من انام يسد تقريبا السمع ومن انهض احس بيه ينزل ودائما مسددات اذناي وشكرا

    دكتور : د.حيدر صيوان المالكي 2020-03-26 18:30:13
  • تحتاج الئ فحص الاذنين..

عندي الم في كف الساق المشط وكعت عليه طابوقه بناء واحس رجلي من الاسفل مشنوطه كل ما امشي عليه الم في مكان سقوط الطابوقه مع ورم خفيف الحالة من يومين ما العمل يرحمكم الله

    دكتور : د.مفيد الوائلي 2020-03-26 16:41:07
  • تحياتي
    إذا لايوجد كسر
    الأفضل باندج وبعض المسكنات.

السلام عليكم
استشارة طبية
دكتور اني ضهرت عندي ورم بالجلد بسيط بمؤخرة الرأس شويه بي الم
وبنفس الوقت ضهر عندي مثل الكيس الدهني في اسفل الرقبة قريب على الكتف (قريب على عظم الترقوة) وهم بي الم
ممكن تشخص هاي حالتي ولك جزيل الشكر
علمآ عمري هو ٢٧ سنة

    دكتور : د. احمد قاسم 2020-03-26 16:18:11
  • عليكم السلام ..
    بالنسبة للأورام التي تظهر تحت الجلد اغلبها تكون حميده وهي عبارة عن اكياس دهنية ،،ولكن تحتاج إلى الفحص السريري لتأكيد التشخيص ،،المهم حاليا الفترة الزمنية لظهور الورم أو الانتفاخ؟؟ معدل الزيادة في الحجم خلال الفترة الزمنية؟؟
    درجة صلابة الورم ؟
    حالة الجلد المحيط هل هناك احمرار أو تقرح؟
    اما وجود الم فله عدة أسباب قد يكون من الورم نفسه أو نتيجة تاثير الورم على الأنسجة المحيطة ،،
    إذا توفرت صور ممكن إرسالها
    واهلا وسهلا ،،دوام الصحة والعافية.

السلام عليكم.. ظعرت عندي اعراض قبل اسبوع حكه في المهبل وعند الفحص المنزلي وجد فطريات بيضاء ووجود زوائد لحمية داخل المهبل.. ارجوا الاجابة لمعرفة الحاله الصحيه والعلاج المطلوب

    دكتور : د. ثائر علي حسين 2020-03-26 20:36:42
  • علاج الفطريات
    Clotrimazol supp. تحاميل مهبلي عدد3 كل يوم وحده
    Fluconazol cup. كبسوله واحده فقط اذا مو حامل
    بالنسبه للزوئد اللحميه احتمال فالول العلاج كوي عند الطبيبه النسائيه.

السلام عليكم.. استشاره طبيه من حضراتكم... اني سيده أبلغ من العمر ٣٥ سنه عندي ألم في الجه اليسرى من المحالب والخصرايضا.. والادرار مستمر ومتغير الألوان.. وهذه الحاله ضهرت عندي بعد صيام يومين متتاليين.. ولازال الألم موجود...

    دكتور : د.ماجد اصغر محمد 2020-03-27 12:30:41
  • وعليكم السلام تحتاج سونار وتحليل بول
    لكن الان نكتفي olfen حب مرتين وإذا توجد حرقه قويه نظيف لها ciprodar مرتين بعد الطعام.

السلام عليكم عندي سؤال بالنسبة للقاط الشهرين شكد اكدر اتاخر بيه المفروض هالاسبوع بس بسبب الاوضاع ما راح اكدر القح الطفل

    دكتور : د.مروج عبد العالي 2020-03-26 19:17:17
  • اللقاح ضروري بالوقت المحدد والمراكز الصحيه مستمره بعملها.

السلام عليكم.. ظعرت عندي اعراض قبل اسبوع حكه في المهبل وعند الفحص المنزلي وجد فطريات بيضاء ووجود زوائد لحمية داخل المهبل.. ارجوا الاجابة لمعرفة الحاله الصحيه والعلاج المطلوب

    دكتور : د. ثائر علي حسين 2020-03-26 20:39:52
  • Clotrimazol supp.تحاميل مهبليه عدد 3
    Fluconazol cup.كبسوله واحده فقط اذا مو حامل
    بالنسبه للزوائد احتمال فالول العلاج كوي عند الطبيبه النسائيه.